Kom ons braai

Von Bach-braaibroodjies

50% Rogbrood

Gesoute botter

Tamatie

Rooi uie

Wit cheddarkaas

Sout en Peper

Knoffel-en-krui-speserye

Sny brood in 1cm-breed snye

Sny uie, tamatie en kaas in skywe

Sit gesoute botter aan die buitekant van die broodjie

Sit uie, tamatie en kaas op brood

Voeg knippe sout, peper en knoffel-en-krui-speserye by na smaak

Etoshapanne-patatkoppies

1kg patat

1 pakkie pekanneute

25g botter

100ml melk of room

150ml bruinsuiker

Fillodeeg

Skil patat en sny in skywe

Sit patat in pan met 25g botter

Strooi 100ml bruinsuiker oor en kook in botter tot sag

Stamp patat fyn en meng room of melk saam (melk is vir die meer gesondheidsbewus)

Sny fillodeeg velle in blokkies van ongeveer 10 x 10 cm

Verf gesmelte botter aan beide kante van die velle

Plaas die velle dan in 'n kolwynpannetjie

Skep fyn patat in pannetjies

Besprinkel met bietjie bruinsuiker bo-oor

Sit so 3-4 pekanneute op elke koppie

Plaas die kolwynpannetjie in die oond op 180 grade vir ongeveer 10 minute - hou hom dop, want die fillodeeg kan vinnig verbrand

*Vir 'n eenvoudiger uitweg kan jy die patat in 'n oondbak sit, bietjie suiker en pekanneute bo-oor besprinkel en plaas dan in die oond op 180 grade vir so 20 minute

Onderstebo-Oranjerivier-slaaistokkies

Blaarslaai

Babatamaties

Knoffel-en-krui-croutons

Deense feta

Bulgariese jogurt

Komkommer

Knippie sout en knoffelsout

Plaas ’n paar blaarslaaiblare oor mekaar en sny dit in vierkante van omtrent 3cm x 3cm

Ryg ’n babatamatie op ‘n klein sosatiestokkie,  ,,,ryg dan die blaarslaai blokkies op gevolg deur twee knoffel-en krui-croutons en sluit dit weer af met ’n babatamatie

As ’n slaaisous gebruik ek ’n tzatzikisous. Sny die komkommer in fyn blokkies, plaas dit op ’n bord met ’n knippie sout en knoffelsout, los dit in die yskas vir ten minte ’n uur

Voeg dan die komkommer mengsel by die Bulgariese jogurt. Gooi van die tzatziki oor die slaaistokkie en besprinkel Deense feta bo-oor

Kora-Orab-biefstuk met sampioensous

Kora-Orab-biefstuk

Enige snit sal werk. Voeg net knoffelvlokkies en peper by vir smaak. Vir medium-raar, braai op warm kole vir 10 minute, roteer elke 90 sekondes per kant

Sampioensous

250g Portobellini-sampioene

2 gehoopte teelepels Mazina

250ml room

1 koppie cheddarkaas

100ml melk

Sout en peper na smaak

2 eetlepels botter

Smelt botter in pan met gesnyde sampioene, tot gaar. ,,,

Meng Mazina en 100ml koue melk in ’n koppie en sit in die mikrogolf vir 30 sekondes op ’n slag tot die mengsel dik word

Voeg die mengsel by die sampioene, voeg dan ook die room en kaas by en roer op lae hitte tot dit dikker raak.

Kgalagadi-kaneel-rolpoeding

1kg brood deeg

250ml suiker

15ml kaneel

100g botter

250g roomkaas

2 eetlepels suurlemoen sap

250ml versiersuiker

Rol die brooddeeg reghoekvormig uit – ongeveer 1cm dik. ,,, Meng die suiker en kaneel bymekaar en strooi dit oor die uitgerolde deeg

Sny die botter in fyn repies en plaas oral op die uitgerolde deeg neer

Rol dan die deeg op, met kaneel en botter in die deeg. Sny die deeg in repies van ongeveer 1.5 tot 2cm en plaas dit in ’n swart pot (op sy, sodat die wiele na bo wys). Los dit so in die pot vir ongeveer 20 min

Vir die versiermengsel meng jy die 250ml versiersuiker met 250g roomkaas en 2 eetlepels suurlemoen sap

Sit die swart pot op die kole, baie min kole onder en baie kole op die deksel. Hou dit so vir 30 minute (jy kan loer ná 20min as jy wil)

Wanneer dit afkom, sit dadelik die versiermengel oor sodat dit in smelt

Bedien warm

Nuwe episodes van Kom ons braai wys elke Vrydag om 18:00.